Font Problem
Download Font

ഈ ഓഹരിക്ക് ആരാണ് വിലയിട്ടത് ......

കേരളം ഏറെ പ്രതീക്ഷയോടെയാണ് കണ്ണൂർ വിമാനത്താവളത്തെ കാത്തിരിക്കുന്നത് . കണ്ണൂരിലെ മട്ടന്നൂ൪ മൂ൪‍ഖ൯ പറമ്പിൽ‍ കേന്ദ്രമന്ത്രി പ്രഫുൽ‍ പട്ടേൽ‍ പാകിയ ശില ജനതയുടെ പ്രതീക്ഷകളുടെ തറക്കല്ല്‌ കൂടിയാണ്‌. ഏറെ നാളത്തെ കാത്തിരിപ്പിന്‌ ശേഷമാണ്‌ കണ്ണൂരിൽ വിമാനത്താവളം വരുന്നത്‌. വിമാനത്താവളത്തിന്റെ കാര്യത്തിൽ‍ കേന്ദ്ര സ൪‍ക്കാ൪ കാണിച്ച താല്‍പര്യത്തെ നന്ദിയോടെ സ്‌മരിക്കുന്നു.

കണ്ണൂ൪‍ വിമാനത്താവളത്തിന്റെ വികസനത്തിന്‌ വേണ്ടി സംസ്ഥാന സ൪ക്കാ൪ പണപ്പിരിവ്‌ തുടങ്ങിക്കഴിഞ്ഞു. ഓഹരിയിലൂടെയാണ്‌ പണ സമാഹരണം. എന്നാൽ വിമാനത്താവളത്തിന്റെ വികസനപ്രവ൪‍ത്തനങ്ങളിൽ പങ്കാളികളാകാനുള്ള സാധാരണക്കാരന്റെ ആഗ്രഹത്തി൯ മേൽ‍ സംസ്ഥാന സ൪ക്കാ൪ ആണിയടിച്ചിരിക്കുന്നു. നൂറു രൂപയാണ്‌ ഒരു ഓഹരിയുടെ വില. എന്നാൽ 2,00,100 രൂപ മുടക്കാ൯ തയ്യാറുള്ളവ൪ക്കേ ഓഹരി നല്‍കൂ. സാധാരണക്കാരന്‌ ഓഹരി ലഭിക്കില്ലെന്ന്‌ ചുരുക്കം. പണമുള്ളവ൪ മാത്രം വികസനപ്രവ൪ത്തനങ്ങളിൽ പങ്കാളികളായാൽ‍ മതിയെന്നാണ്‌ സംസ്ഥാന സ൪ക്കാറിന്റെ തീരുമാനം. ഇതൊരിക്കലും അംഗീകരിക്കാനാവില്ല.

സെക്യൂരിറ്റി എക്‌സേഞ്ച്‌ ഓഫ്‌ ഇന്ത്യ (സെബി)യുടെ അനുമതിയോടെ പുറപ്പെടുവിക്കുന്ന ഇനീഷ്യൽ പബ്ലിക്‌ ഇഷ്യു (ഐ.പി.ഒ) സാധാരണഗതിയിൽ‍ പതിനായിരത്തിൽ താഴെയാണ്‌. ഈ വസ്‌തുത നിലനില്‍ക്കെയാണ്‌ ലക്ഷങ്ങൾ വിലവരുന്ന ഓഹരിയുമായി സംസ്ഥാന സ൪ക്കാ൪‍ രംഗത്തുവന്നിരിക്കുന്നത്‌. കേരളത്തിന്‌ പൊതുവിലും ഉത്തരകേരളത്തിന്‌ പ്രത്യേകിച്ചും ഒട്ടേറെ പ്രതീക്ഷകൾ നൽകുന്നതാണ്‌ കണ്ണൂ൪‍ വിമാനത്താവളം. കണ്ണൂ൪‍, കാസ൪ക്കോട്‌ ജില്ലകളിലും മംഗലാപുരത്തുമുള്ള ലക്ഷക്കണക്കിന്‌ ആളുകൾക്ക്‌ ഏറെ പ്രയോജനപ്പെടുന്നതാണ്‌ കണ്ണൂ൪‍ വിമാനത്താവളം. കരിപ്പൂ൪, മംഗലാപുരം വിമാനത്താവളങ്ങളെ ആശ്രയിക്കുന്നവ൪ക്ക്‌ സമയവും പണവും കണ്ണൂ൪ വിമാനത്താവളം വരുന്നതിലൂടെ ലാഭിക്കാനാകും. വിമാനത്താവളത്തിന്റെ ഔദ്യോഗിക വെബ്‌സൈറ്റിൽ പറയുന്നത്‌ ഒരു മില്യൺ വിദേശയാത്രക്കാരും .03 മില്യൺ ആഭ്യന്തര യാത്രക്കാരും വിമാനത്താവളത്തെ പ്രതിവ൪ഷം ഉപയോഗപ്പെടുത്തുമെന്നാണ്‌.സ൪ക്കാ൪‍ തീരുമാനം നമ്മുടെ നാട്ടിലെ സാധാരണക്കാരെ സന്തോഷപ്പെടുത്തുന്നതല്ല. മറിച്ച്‌ അവരുടെ സ്വപ്‌നങ്ങൾക്ക്‌ മേൽ ഭാരം കയറ്റിവെച്ചിരിക്കുന്നു. സാധാരണക്കാ൪ക്ക്‌ വേണ്ടി സാധാരണക്കാരന്റെ സ൪ക്കാ൪‍ എന്ന്‌ ഓരോ നിമിഷവും ആണയിടുന്ന മുഖ്യമന്ത്രിക്ക്‌ ഇക്കാര്യത്തിൽ‍ എന്താണ്‌ പറയാനുള്ളത്‌.

നാടിന്റെ വികസനപ്രവ൪ത്തനങ്ങളിൽ പങ്കാളികാകാ൯ ഓരോ പൗരനും അവകാശമുണ്ട്‌. അതിനെ അധികാരത്തിന്റെയും പക്വതയില്ലാത്ത തീരുമാനങ്ങളുടെയും ബലത്തിൽ നിരാകരിക്കുന്നത്‌. കണ്ണൂരിൽ നിന്ന്‌ വിമാനം പറന്നുയരുമ്പോൾ ഇത്‌ എന്റെ കൂടി വിയ൪പ്പാണെന്ന്‌ പറയാനുള്ള സാഹചര്യം എല്ലാവ൪ക്കും നൽകുക. ഒരിക്കലും സംഭരിക്കാനാകാത്ത പണത്തിന്റെ കണക്കു നൽകി പാവപ്പെട്ടവരെ ഭയപ്പെടുത്തരുത്‌. കണ്ണൂ൪‍ വിമാനത്താവളത്തിന്‌ വേണ്ടി പണം മുടക്കാ൯ എല്ലാവ൪ക്കും അവസരം നൽ‍കണം.

രാജ്യത്തിന്റെ സാമ്പത്തിക പുരോഗതിയിൽ‍ നി൪ണ്ണായക പങ്കുവഹിച്ചവരാണ്‌ പ്രവാസികൾ‍.വിരലിലെണ്ണാവുന്ന ബിസിനസുകാരല്ല, ബഹുഭൂരിപക്ഷം വരുന്ന പ്രവാസികളാണ്‌ നമ്മുടെ നാടിനെ സമ്പുഷ്ടമാക്കിയത്‌. മാസാമാസം പ്രവാസികൾ അയക്കുന്ന പണമാണ്‌ നാടിന്റെ ഐശ്വര്യത്തിന്‌ പിന്നിൽ. ഓരോ വിമാനത്താവളത്തിന്റെയും കൂടുതൽ ഉപഭോക്താക്കൾ പ്രവാസികളാണ്‌.കണ്ണൂ൪ വിമാനത്താവളത്തിന്റെ വികസനത്തിൽ സാധാരണക്കാരായ പ്രവാസികൾക്ക്‌ യാതൊരുവിധ അവസരവും നൽകാത്ത നിലപാടാണ്‌ സംസ്ഥാന സ൪ക്കാ൪‍ സ്വീകരിച്ചിരിക്കുന്നത്‌. പണമുള്ളവ൪ മാത്രം നാടിന്റെ വികസനങ്ങളിൽ പങ്കാളികളായാൽ മതിയെന്ന നിലപാട്‌ സ്വേഛ്വാധിപത്യമാണ്‌. ഇത്‌ അംഗീകരിക്കാനാവില്ല. എന്നാൽ ഇക്കാര്യത്തിൽ‍ പ്രവാസികളെ തഴഞ്ഞ്‌ പണക്കാ൪ക്ക്‌ പിന്നാലെ പോകാനുള്ള തിടുക്കത്തിലാണ്‌ സ൪ക്കാ൪.

വിദേശത്ത്‌ ജോലിയെടുക്കുന്നവരിലെല്ലാം പൂത്തപണമുണ്ടെന്ന ധാരണയിലാണ്‌ സംസ്ഥാനസ൪ക്കാ൪ എന്നു തോന്നുന്നു. ഓരോ പ്രവാസിയുടെ കയ്യിലും കണ്ണൂ൪ വിമാനത്താവളത്തിന്റെ ഓഹരി വാങ്ങുന്നതിനാവശ്യമായ പണം ഉണ്ടായിരിക്കും എന്ന അബദ്ധധാരണയുടെ പിറകേയാണ്‌ സ൪ക്കാ൪. പ്രവാസികളെ പിഴിയാ൯ മാത്രം ഗൾഫിലേക്ക്‌ പോകുന്നവ൪ അറിയേണ്ട ചില കാര്യങ്ങളുണ്ട്‌.ലേബ൪ ക്യാമ്പുകളിൽ‍ ഒരു നേരം മാത്രം ഭക്ഷണം കഴിച്ച്‌ നാട്ടിലുള്ളവ൪ക്ക്‌ വേണ്ടി വിശപ്പുസഹിച്ച്‌ ജീവിക്കുന്ന പതിനായിരങ്ങളുണ്ട്‌. കത്തുന്ന സൂര്യന്‌ താഴെ വിയ൪ത്തൊലിച്ച്‌ ആരോടും പരാതിയും പരിഭവവുമില്ലാതെ കഴിയുന്നവ൪. മറ്റുള്ളവ൪‍ക്ക്‌ വേണ്ടി ജീവിതം ഉഴിഞ്ഞുവെച്ചവ൪‍. ഇവരുടെ സങ്കടമറിയണം. എന്നിട്ട്‌ തീരുമാനിക്കൂ. കണ്ണൂ൪ വിമാനത്താവളത്തിന്റെ ഓഹരിക്ക്‌ എന്ത്‌ വിലയിടണമെന്ന്‌.

Share

8 COMMENTS
moideen Says 02:56 pm,Monday, 31st, Jan, 2011

i canot read the malayalam font

SHAHANA Says 02:49 pm,Monday, 31st, Jan, 2011

Go On....... we are with you!!!

Khalid Chennalode Says 04:40 am,Sunday, 30th, Jan, 2011

Nilapadu Valare Nallad IUML nte Kariyangal Inter Nettil Kanamelle WISH YOU ALL THE BEST

farooque Says 12:57 pm,Saturday, 29th, Jan, 2011

you have done a good job, you have a good idea about these things, so we are on waiting to get you people back

basil thangal.karthala Says 11:36 am,Saturday, 29th, Jan, 2011

aropanangalay pookalayi sangalpich thalluka.ava election adukumbol vidarum pinnay vadum.samoohika pravarthanagalumayi thangaluday jaithra yathra tudaruka.pana chakukal alla athmarthathayulla pravarthakaranu thangalku pinnil

ashik kakkooth Says 05:35 pm,Thursday, 27th, Jan, 2011

good god save us

Noushad Koodaranhi Says 04:24 am,Wednesday, 26th, Jan, 2011

വിദേശത്ത്‌ ജോലിയെടുക്കുന്നവരിലെല്ലാം പൂത്തപണമുണ്ടെന്ന ധാരണയിലാണ്‌ സംസ്ഥാനസ൪ക്കാ൪ എന്നു തോന്നുന്നു. ഓരോ പ്രവാസിയുടെ കയ്യിലും കണ്ണൂ൪ വിമാനത്താവളത്തിന്റെ ഓഹരി വാങ്ങുന്നതിനാവശ്യമായ പണം ഉണ്ടായിരിക്കും എന്ന അബദ്ധധാരണയുടെ പിറകേയാണ്‌ സ൪ക്കാ൪. പ്രവാസികളെ പിഴിയാ൯ മാത്രം ഗൾഫിലേക്ക്‌ പോകുന്നവ൪ അറിയേണ്ട ചില കാര്യങ്ങളുണ്ട്‌.ലേബ൪ ക്യാമ്പുകളിൽ‍ ഒരു നേരം മാത്രം ഭക്ഷണം കഴിച്ച്‌ നാട്ടിലുള്ളവ൪ക്ക്‌ വേണ്ടി വിശപ്പുസഹിച്ച്‌ ജീവിക്കുന്ന പതിനായിരങ്ങളുണ്ട്‌. കത്തുന്ന സൂര്യന്‌ താഴെ വിയ൪ത്തൊലിച്ച്‌ ആരോടും പരാതിയും പരിഭവവുമില്ലാതെ കഴിയുന്നവ൪. മറ്റുള്ളവ൪‍ക്ക്‌ വേണ്ടി ജീവിതം ഉഴിഞ്ഞുവെച്ചവ൪‍. ഇവരുടെ സങ്കടമറിയണം. എന്നിട്ട്‌ തീരുമാനിക്കൂ. കണ്ണൂ൪ വിമാനത്താവളത്തിന്റെ ഓഹരിക്ക്‌ എന്ത്‌ വിലയിടണമെന്ന്‌.

KOSHI Says 07:21 am,Monday, 24th, Jan, 2011

it is very good attempt. please keep it up..

POST A COMMENT

Name
Email
Press ctrl+g to toggle between English and Malayalam.



© 2010 - 2011 Nilapadu.com All Rights Reserved.
Best viewed on Chrome, FF and IE 7+